Dudonan Galungan

1. Rahina Suci Penyajan.

Rahina Suci Penyajan runtuh serahina sesampune Rahina Suci Penyekeban ring Rahina Soma Pon-Wuku Dungulan. Rahina Suci Penyajan pinaka simbul umat Hindu sampun sida anyekung jnana turmaning ngawonan gegodan sang kala tiga. Krama makesami ngemargiang asuci laksana melarapan antuk ngaturan pengubakti Ian ngelungsur tirtha. Ngewacen pustaka ­pustaka agama Ian sane siwosan.  

2. Rahina Suci Penampahan

Rahina suci Penampahan runtuh ring rahtina-Anggara Wage-Wuku Dungulan, Ring Rahina Suci Penampahan, maka sami umat Hindu sepatutnyane ngaturan Tebasan Penampahan pinaka penyomian Sang Kala Tiga. Galah sane becik ngemargiang upacara tebasan penampahan Dauh Tiga jam 12.00 Siang lan Dauh Empat, Dauh Sandhi Kala jam 17.30). Genah ngemargiang upacara Tebasan Penampahan ring tengahing natah, pinaka simbul madyaning mandala. pinaka titik pusat Kekuatan Kala Bucari.  

Upakarannyane :

1. Pejati sregep asoroh, banten ayaban tumpeng 7 bungkul, tebasan pemiak kala, tebasan pebersihan, tebasan pasupati, rayunan brumbun sekadi pemijian, kejangkepin antuk rerasmen atakir, medaging lawar atakir, be celeng megoreng atakir, kuah be celeng atakir, sambel atakir, lan be pesan celeng asiki, penyeneng, biokawonan, prayascita Ian segehan manca warna 11 tanding.  

Tata Cara ngemargiang upacara

1. Banten kesoroh ring pekarangan rumah, jangkepin antuk sangku medaging toya, sekar  tigang warna, barak, putih Ian biru

2. Ngastawa, Sang Hyang Siwa Raditya, Sang Hyang Tiga Wisesa

3. Ngemargiang biokawonan Ian prayascita.

4. Nganteb tebasan penampanan

5. Ngaturan pangubakti.

6. Nunas tirta Ian wija

7. Nganteb segehan katur ring sang kala bucari

8. Puput

 Sesampune puput ngemargiang upacara tebasan penampahan sepatutnyane umat Hindu makasami nanceban penjor. Penjor pinaka stanan Sang Hyang Siwa Meneng  lan maka sami Ista Dewata sane megenah ring “Besaki”. Manut kadi daging Lontar “Tutur Dewi Tapeni“, lamp. 26‘  Penjor punika sepatutnyane ketanceban ring lebuh sisi tengen arah pintu pemedalan, sanggah penjor mulutnyane marep ke jalan rurung riantukan jalan lan rurung punika simbul purwa Desa. penjor sepatutnyane medaging:

1. Kain putih pinaka simbul Hyang Iswara
2. Tiying pinaka simbul Hyang Mahesora
3. Jaja pinaka simbul Hyang Brahma
4. Kelapa pinaka simbul Hyang Rudra
5. Ambu pinaka simbul Hyang Mahadewa
6. Plawa pinaka simbul Hyang Sangkara
7. Pala bungkah, pala gantung pinaka simbul Hyang Wisnu
8. Tebu pinaka simbul Hyang Sambu
9. Sanggah Ardha Candra pinaka simbul Hyang Siwa
10. Upara sane munggah Pras daksina jangkep pinaka simbul Hyang Sada Siwa Ian Parama Siwa

(Galah nyabut penjor kemargiang ring Rahina Buda Keliwon-Wuku Pahang (Buda Keliwon pegatwakan)